ചുണ്ടുകള്‍

എന്റെയുള്ളില്‍ മതവികാരം വീണ്ടും ഉണര്‍ന്നു. ഹിന്ദുക്കളില്‍ ആരെയെങ്കിലും കൊല്ലണം. അങ്ങിനെ എന്റെ വര്‍ഗത്തെ ശുദ്ധീകരിക്കുന്നതില്‍ എന്റെ പങ്കു വഹിക്കണം. കലാപം കത്തി പടരുകയാണ്. മുസ്ലിംകള്‍ ഒന്നൊന്നായി മരിച്ചു വീഴുകയാണ്. അവര്‍... ഹിന്ദുക്കള്‍ നാള്‍ക്കുനാള്‍ വിലസുകയും.

ആരായിരിക്കും എന്റെ ഇര. ബസ്‌ സ്ടാന്റിന്റെ പരിസരത്ത് ബീടിക്കുഴലില്‍ നിന്നും പുക ഉള്ളിലേക്ക് ആവാഹിച്ചു കൊണ്ട് നിന്നു. പരിസരം വിജനം ആണ്. കലാപം കാരണം ആരും പുറത്ത് ഇറങ്ങാറില്ല. വാഹനങ്ങളും ഇല്ല. അകലെയായി ഒരു ബസ്‌ നിന്ന് കത്തുന്നത് കാണാന്‍ കഴിഞ്ഞു. അവരായിരിക്കും... ഹിന്ദുക്കള്‍. ഞാന്‍ കുപ്പായത്തിനു പിറകില്‍ ഒളിപ്പിച്ച വാള്‍ അവിടെ തന്നെ ഇല്ലേ എന്നുറപ്പ് വരുത്തി.

കുറച്ചു കഴിഞ്ഞപ്പോള്‍ അവള്‍ എനിക്കരികില്‍ വന്നു നിന്നു. കലാപം തുടങ്ങിയതിനു ശേഷം ആദ്യമായാണ് അവളെ കാണുന്നത്. അവളുടെ കണ്ണുകളില്‍ പതിവില്ലാത്ത വിധം ഭീതി നിറഞ്ഞിരുന്നു. അവളിന്ന് കുറി അണിഞ്ഞിരുന്നില്ല.

 കലാപം ആയിട്ട് പോലും അവള്‍ എന്തിനു ഒറ്റയ്ക്ക് ഈ സ്ടാന്റില്‍ വന്നു എന്ന് ഞാന്‍ അത്ഭുതപ്പെട്ടു. ഒരു പക്ഷെ പ്രാരാബ്ധം കാരണം ദൂരെ ഓഫീസിലോട്ട് പണിക്കു പോകുകയായിരിക്കാം. വീട്ടില്‍ തളര്‍ വാതം പിടിച്ച അച്ഛന്‍ ഉണ്ടായിരിക്കാം.

'ഇവള്‍ തന്നെ എന്റെ ഇര' ഞാന്‍ മനസ്സില്‍ കരുതി. ഒരാളെയെങ്കിലും കാണാന്‍ കഴിഞ്ഞല്ലോ എന്നോര്‍ത്തായിരിക്കാം അവള്‍ എനിക്കാ നിര്‍മലമായ പുഞ്ചിരി സമ്മാനിച്ചത് . ഞാന്‍ മനസ്സില്‍ പറഞ്ഞു. "പുഞ്ചിരിയില്‍ മയങ്ങരുത്. അവള്‍ ഹിന്ദുവാണ്. അവളെ കൊന്നു നിന്റെ  മതത്തെ പവിത്രമാക്കുക . അവളുടെ ഗര്‍ഭപാത്രം കഷണങ്ങളാക്കി ഇനിയൊരിക്കലും അതിനു ഹിന്ദുവിന്റെ കുഞ്ഞിനെ പേറാന്‍ കഴിയാത്ത വിധമാക്കി മാറുക".

എങ്കിലും അവളുടെ ചെറിയ ചുണ്ടുകള്‍ ... അവളെ കൊല്ലുന്നതിനു മുന്പായി അവളുടെ ആ ചുണ്ടുകളില്‍ ചുംബിക്കണം എന്ന് എനിക്ക് അടക്കാന്‍ ആകാത്ത ആഗ്രഹം. (അല്ലെങ്കിലും ഇത്തരം ആഗ്രഹങ്ങള്‍ക്ക് ഇടയ്ക്കു മാത്രം മത ബോധം വരാറില്ലല്ലോ!!!) ഞാന്‍ അവളുടെ അരികിലേക്ക് നീങ്ങി നിന്നു ചോദിച്ചു :

"പേരെന്താ ?"

"പാര്‍വതി. ... നിങ്ങളുടെ പേര്? "

"ജാസിം"

പിന്നീട് ഞാന്‍ ഒരു നിമിഷം മിണ്ടാതെ നിന്നു. എന്നിട്ട് തുടര്‍ന്നു.

"നിങ്ങള്ക്ക് വളരെ ചെറിയ ചുണ്ടുകളാണുള്ളത്. ചെറിയ ചുണ്ടുകള്‍ ചെറിയ കുട്ടികള്‍ക്കെ ചെര്ച്ചയുള്ളൂ.."
ഇവനെന്താ ചുണ്ടുകളെ കുറിച്ചു ഗവേഷണം നടത്തിയിരിക്കുന്നോ എന്നാലോചിച്ചു അവളുടെ നിറുത്താതെയുള്ള ചിരി. ഞാന്‍ തുടര്‍ന്നു.
"എങ്കിലും നിങ്ങളുടെ ചുണ്ടുകള്‍ക്ക് ഒരാകര്‍ഷണ ശക്തിയുണ്ട്. എന്നെ വലിച്ചടുപ്പിക്കുന്ന പോലെ... ദയവായി ആ ചുണ്ടുകളില്‍ ചുണ്ട് ചേര്‍ക്കാന്‍ എന്നെ അനുവദിക്കൂ ..."

അവള്‍ ചുറ്റുപാടും നോക്കി. പരിസരം വിജനമാണ്. ഇല്ല ... ആരും കാണില്ല. അവള്‍ സമ്മത സൂചകമായി കണ്ണടച്ചു നിന്നു.

'ഇങ്ങിനെ കണ്ണുകളടച്ചു നില്‍ക്കുമ്പോള്‍, എന്റെ ചുണ്ട് നിന്റെ ചുണ്ടുകളോട് ചേര്‍ന്ന് നില്‍ക്കുമ്പോള്‍ പിറകില്‍ ഒളിപ്പിച്ച വാള് കൊണ്ട് ഒറ്റ കുത്ത്'. ഞാന്‍ മനസ്സിലുറപ്പിച്ചു.

എന്റെ ചുണ്ടുകള്‍ അവളുടെ ചുണ്ടുകളോട് ചേര്‍ന്നു. പരസ്പരം ഇണ ചേര്‍ന്നു കിടക്കുന്ന നാല് ചുണ്ടുകള്‍.
ഇനി എന്റെ സമയം. ഞാന്‍ അവളുടെ ചുമലില്‍നിന്നും കൈ പിന്‍വലിച്ചു. എന്റെ വാളില്‍ തൊട്ടു. ഉടനെ അവള്‍ ഒരു മനുഷ്യ ബോംബായി ചിന്നി ചിതറി. കൂടെ ഞാനും.
ആ മാംസത്തുണ്ടുകള്‍ക്ക് ഇടയിലെവിടെയോ അപ്പോഴും നാല് ചുണ്ടുകള്‍ ഇണ ചേരുന്നുണ്ടായിരുന്നു.

അഭിപ്രായം പറയൂട്ടൊ...